Senmova motoro

En la filozofia penso de Aristotelo, la koncepto pri senmova motoro aŭ unua movanto (greke πρῶτον κινοῦν ἀκίνητον, latine primum movens = unua movanto) reprezentas la komencan kaŭzon de la ŝanĝo de la Universo. Ĉar ĉiu transformiĝo havas kaŭzon, ĉe la origino de la ĉeno de kaŭzoj kaj efikoj devas ĉeesti, laŭ Aristotelo, kaŭzo senkaŭza aŭ unua kaŭzo, aŭ origina fonto de la movo ^[1]. Aristotelo ellaboras tiun koncepton en sia Metafiziko.

1. ↑ Se movo estas vorto de la sperto, ĝi aludas al ĉiu nova efiko ankaŭ nespertita, do fariĝas universala metafizika principo.